Diwali Prayer
Tu jagmagaaye teraa deep jagamagaaye
Saare jahaan ki khushiyaan tere bhi ghar ko aaye
Ganga aur Yamuna sa nirmal ho tera mann
Ambar aur dhara sa swachh ho tera tann
Is nagar mein teri jyoti chamchamaaaye
Tu jagmagaaye teraa deep jagamagaaye
Achchhe karmon se jag mein naam hogaa tera
Teri aahat se buraiyaan lengi nahin basera
Tere marne ke baad bhi log tera naam gaaye
Tu jagmagaaye teraa deep jagamagaaye
Mit jaaye andhera jo teri dagar mein aaye
Aaye kabhi na gham jo deti chintaayein
Naam amar ho tera ek taaraa timtimaaye
Tu jagmagaaye teraa deep jagamagaaye
Door karna chhuachhut mandir masjid ka jhagra
Koi mare na bhookha koi rahe na kangala
Aane waalaa kal tera naam gungunaaye
Tu jagmagaaye teraa deep jagamagaaye
[Source unknown]
